Kreatinin (serum)

Böyrəklərin filtrasiya funksiyasının dəyərləndirilməsi və təqibi məqsədi ilə istifadə olunur. Hər-hansı bir səbəblə əlaqəli olaraq kəskin və ya xroniki renal funksiya pozğunluqları (intrensek böyrək xəstəlikləri, perfuziya çatışmazlığı, postrenal obstruksiya və s.) serum kreatinn konsentrasiyasında yüksəlməyə səbəb olur. Aktiv akromeqaliya, gigantizm, hipertiroidizm də serum kreatinin konsentrasiyasının yüksəlməsinə səbəb olur. Buna görə, qanda kreatininin təyin edilməsi - böyrək funksiyasının qiymətləndirilməsi üçün istifadə edilən xüsusilə həssas və spesifik sınaqlardan biri hesab edilir. Lakin bu göstəricinin qalıq azotu ilə birlikdə və müqayisəli şəkildə öyrənilməsi patoloji prosesin xarakteri haqqında daha geniş məlumat verir.


Artmasına səbəb olan hallar:
• Böyrək çatmamazlığı, həmçinin, hipertireoz akromeqaliya, giqantizm, şəkərli diabet, bağırsaq keçməməzliyi, əzələ distrofıyası, böyük sahəli yanıqlar.

Qanda kreatinin enməsi diaqnostik əhəmiyyət kəsb etmir.
Kreatininin qan serumundakı miqdarı yaş artdıqca azalır.