Qarında və göbək ətrafında spastik ağrılar, iştahasızlıq, ürəkbulanma, ağızda qoxu, diş qıcama, gecə ağızdan su axma, dəridə səpgilər, anal dəlik ətrafında qaşınma, çəki itirmə, qan azlığı, baş ağrıları, əsəbilik, yuxusuzluq, narahat yataq sindromu, fiziki inkişafdan qalma kimi əlamətləri öz övladınızda müşahidə edirsinizsə bu zaman mütləq pediatr müayinəsindən keçib parazitar xəstəliyin olub-olmamasını dəqiqləşdirmək lazımdır.
QURD XƏSTƏLİKLƏRİNİN DİAQNOSTİKASINDA VALİDEYNLƏRİN ETDİYİ YALNIŞLAR HANSILARDIR?
Diaqnostik metodun düzgün seçimi hər zaman effektiv müalicəyə zəmanət verir. Təəssüf ki, bir çox hallarda valideynlər övladında qurd xəstəliklərinə şübhə olduqda həkim təyinatı olmadan bir başa qan analizi verməyə üz tuturlar.
Uşaqda qurd xəstəliklərinə şübhə varsa ilkin olaraq Nəcisin kliniki analizi 3 gün aralıqla ən az 3 dəfə yoxlanmalıdır.
Bundan başqa Nəcisdə bəzi parazitlərə görə spesifik antigen testi, qıl qurduna şübhə olduqda isə perianal nahiyədən səhər tezdən, uşaq yuxudan durmadan sıyrıntı götürüb mikroskopla yoxlanmalıdır.
Helmintlərin diaqnostikasında isə PZR metod ən effektiv üsul hesab edilir. PZR metodu ilə nəcisdə helmint və parazitlərin hər-hansısa genetik materialını təyin edilir.
Laboratoriyamızın təqdim etdiyi Helmint paneli ilə, xüsusi sınaq şüşəsinə toplanan biomaterial ilə biz 9 ən çox rast gəlinən helmintləri aşkar edə bilərik. Bununlada törədici düzgün təyin olunduqdan sonra, artıq dərman qəbulu olmadan,qurd xəsətliklərinin səbəb ola biləcəyi şikayətlər müşahidə olunmadan düzgün müalicə aparmaq mümkün olacaqdır.
Məlumat üçün Referans Poliklinik Nəsimi filialının Pediatrı Dr. Aygün Kərimovaya təşəkkür edirik.
Referans Poliklinik Nəsimi filialı: Nəsimi ray., M.Mirqasımov küç. 25A
Çağrı Mərkəzi: *0033
Whatsapp dəstək nömrəsi: +994 70 653 00 33
Mövzu üzrə həkimlər
- Rəylər
Загрузка комментариев...