CMV, Sitomegalovirüs, HHV5
Yenidoğulmuşlarda anadangəlmə Sitomeqalovirus infeksiyası üçün sarılıq, hemorragik pupura, hepatoslenomeqaliya, xorioritinit, tənəffüs orqanlarının və MSS-nin zədələnməsi səciyyəvidir. Birincili sitomeqalovirus infeksiyası hamilələrin 0.7-4%-də qeyd olunur. İnfeksiyanın anadan dölə ötürülməsi orta hesabla 40% təşkil edir. Törədici herpes virus ailəsinin DNT tərkibli virusudur. Qan, tüpürcək, sidik, likvor, uşaqlıq yolu möhtəviyyatı, sperma, amnion maye, ana südü vasitəsi ilə yoluxur. 43-53% hallarda Sitomeqalovirus mənbəyi bir neçə il ərzində sidik və tüpürcəklə virus ifraz edən infeksiyalı uşaqlardır. İnfeksiyaya yoluxmuş 6 yaşa qədər uşaqların tüpürcək və sidikləri daha təhlükəlidir.
Sitomeqalovirus xəstəliyinin ötürülmə yolları:
Cinsi yol;
İnfeksiyalı qanın köçürülməsi;
Vertikal transmissiya: antenatal (transplasentar), intranatal (doğuş yollarından), postnatal (ana südü vasitəsilə);
Hava-damcı yolu ilə;
Kontakt yolu ilə;
Klinik mənzərə İstifadə məqsədi:
Daha çox hamiləliyə hazırlıq dövründə şəxsin immunitetinin olub olmadığının və ya hamiləliyin başlanğıc dövründə şəxsin ilkin infeksiyanı keçirib keçirmədiyinin müəyyən edilməsi məqsədi ilə istifadə edilir. Bundan başqa simptomatik şəxslərdə, problemin CMV infeksiyası ilə əlaqəli olub olmadığının müəyyən edilməsinə yardım edir. İmmun sistemi məhdud şəxslərdə ağır bir klinikaya səbəb ola biləcəyindən bu şəxslərə orqan, toxuma və ya qan köçürülmədən öncə donorun kontroldan keçirilməsinə ehtiyac olur. İnfeksiya şübhəsi daşıyan bir şəxsdə və ya aparılan skrininq zamanı IgM sinfi antitellərin pozitiv olması, ilkin infeksiya ehtmalını ağla gətirir. Kəskin dövrdə və 2 həftə sonra götürülən serum nümunələrindən əldə edilən nəticələrin müqayisə edilməsi ilə CMV-yə spesifik IgG serokonversiyasının göstərilməsi, ilkin infeksiyanın diaqnostikasını təmin edir. Ancaq, ilkin infeksiyaya əlavə olaraq rekurrent infeksiyalarda və reaktivasiyalarda da pozitiv olması səbəbi ilə, IgM sinfi antitellərin seroloji diaqnozda iştirakı, məhdud dərəcədə olmaqdadır. Ana serumundan aparılan analizlərdə, CMV-yə spesifik IgG və ıgM anttellərinin bərabər pozitiv olması halında ilkin infeksiyanın həyata keçmiş olduğu zamanı müəyyən etmək məqsədi ilə IgG avidite testinə ehtiyac olur. IgM sinfi antitellər neqativ ikən, yalnız başına IgG sinfi antitellərin pozitivliyi keçmişdə keçirilmiş infeksiyaya işarət edir. Ancaq ilkin infeksiyanın keçirilmə zamanı haqqında rəy vermir. IgG sinfi antitellərin neqativ olması şəxsin keçmişdə bu infeksiya törədicisi ilə qarşılaşılmamış olduğunu və beləliklə də ilkin infeksiyaya məruz qala biləcəyini göstərir.