H.pilory İgA
Helicobacter pylori müxtәlif invaziv vә qeyri‑invaziv üsullarla tәyin edilә bilәr.
Hәr bir üsulun öz aspektlәri var ki, bu da testlәrin gedişatından asılı olaraq vaxtında istifadә edilmәsilә bağlıdır. İnsan orqanizminə əsasən fekal-oral yolla daxil olan Helicobacter pylori mədənin epitelini zəbt edir, kolonizasiya edir və ammonyak səviyyəsinin yerli artmasına səbəb olan maddələri aktiv şəkildə sintez etməyə başlayır. Ammonyak mədə şirəsinin bir hissəsi olan xlorid turşusunu neytrallaşdırmaqla H.Pylori-nin həyatı üçün əlverişli mühit yaradır.
Helicobacter pylori infeksiyası yerli və sistemli immun reaksiyanın inkişafı ilə müşayiət olunur. M immunoqlobulinlərinin (IgM) titrində müvəqqəti artımdan sonra qan zərdabında IgG-, eləcə də IgA-anticisimlərində uzunmüddətli və əhəmiyyətli artım müşahidə olunur. Helikobakteriozun diaqnostikasında immunoqlobulinlərin konsentrasiyasının təyini (seroloji müayinə) istifadə olunur.
Helicobacter Pylori infeksiyalarının 95-100%-də İgG, 68-80%-də İgA, cəmi 15-20%-də İgM aşkar edilir.
Helicobacter Pylori mədə və ya onikibarmaq bağırsağın selikli qişasını yoluxdura bilən və müəyyən şəraitdə qastrit, duodenit, mədə və onikibarmaq bağırsaq xorası, mədənin bədxassəli şişlərinə səbəb ola bilən mikroorqanizm növüdür. IgA infeksiyadan 2-3 həftə sonra və bəlkə də bir neçə il sonra aşkar edilir. Beləliklə, IgA-nın aşkarlanması H.pylori ilə yoluxmanı və ağırlıq dərəcəsini göstərir. Titrinin azalması uğurlu müalicənin nəticəsi kimi qiymətləndirilir.