Covid-19 Antigen Rapid test

SARS-CoV-2 virusu (ing. Severe acute respiratory syndrome
                            coronavirus 2; Ağır kəskin respirator sindrom koronavirusu 2) —
                            Ümumdünya Səhiyyə Təşkilatı tərəfindən ilkin olaraq 2019-nCoV
                            adlandırılan, eyni zamanda Uhan koronavirusu, Uhan dəniz məhsulları
                            bazarının sətəlcəm virusu və Uhan pnevmoniyası kimi də tanınan və müsbət
                            istiqamətləndirilmiş və tək telli RNT virusu olan yeni koronavirus ilk
                            dəfə 2019-cu ildə aşkar edilmişdir. "COVID-19" ilə yoluxmuş
                            şəxslər simptomsuz ola və ya öskürək, yüksək hərarət və təngnəfəslik
                            əlamətlərini sərgiləyə bilər. İshal və yuxarı tənəffüs yolları
                            simptomları (asqırmaq, "burun axması", boğaz ağrısı) daha az
                            rast gəlinən əlamətlər arasındadır. Bildirilən simptomlara xəstələrin
                            90% -də qızdırma, 80% -də yorğunluq və quru öskürək, 20% -də nəfəs
                            darlığı və 15% -də tənəffüs çətinliyi aiddir. Xəstəlik pnevmoniya,
                            multi-orqan çatışmazlığı və ölümə qədər irəliləyə bilir.

                            İybilmə və dadbilmə hissiyatının itirilməsi koronavirusun başlıca
                            simptomlarıdır. Bu simptomlar müşahidə olunan şəxslərin 59 faizində
                            koronavirus testi pozitiv çıxıb. Üstəlik, koronavirusun təyin edilməsi
                            üçün bu simptomlar qızdırmadan daha dəqiq göstərici olub. Alimlər
                            iybilmə və dadbilmə hissiyatının itirilməsinin koronavirusa yoluxma
                            ehtimalını 3 dəfə artırdığını bildiriblər və belə əlamətlər müşahidə
                            olunarsa, insanların özlərini 7 gün təcrid etmələrini məsləhət görüblər.
                            Bu virus yoluxmuş insanın tənəffüs damcıları (öskürək və asqıraq
                            nəticəsində yaranan)ilə birbaşa təmas və virus ilə çirklənmiş səthlərə
                            toxunma yolu ilə ötürülür. COVİD-19 virusu səth üzərində saatlarla qala
                            bilsə də, adi dezinfeksiyaedici maddə ilə zərərsizləşdirilə bilir. Viral
                            RNT-nin PCR üsulları ilə yanaşı, immunoassay üsulları ilə nazofarenksin
                            və ya orofarenksin selikli qişalarından yaxmalarda SARS-CoV-2
                            antigeninin təyini infeksiyanın klinik təzahürlərinin başlanğıcından
                            etibarən ilk 1-5 gün ərzində daha informativ olur (nadir hallarda 10
                            günə qədər). İnfeksiyanın sonrakı mərhələlərində (klinik təzahürlərin
                            başlamasından 1-2 həftə sonra) qan testi SARS-CoV-2-yə qarşı spesifik
                            anticisimlərin aşkarlanması daha informativdir.