REFERANS POLİKLİNİKA

ENDOKRİNOLOGİYA

Endokrinologiya

Bəzən hormonal pozuntular adlanan endokrinoloji xəstəliklər şöbəsində bütün növ endokrin vəzilərinin radyoloji müayinəsi və hormonların laborator analizləri aparılır, endokrin və metabolik xəstəliklərin hərtərəfli müayinə və müalicəsi təmin edilir.

Poliklinikamızın Endokrinologiya şöbəsinə müraciət edən pasiyentlərin ilkin və davamlı müayinəsi, endokrinoloji xəstəliklərin diaqnostikası, müalicəsi və uzun müddəlti təqibi aparılır.

Tələb olunduqda, tibbin digər sahələrindən olan mütəxəssislər, o cümlədən, endokrin cərrahiyyəsi, neyrocərrahiyyə (hipofiz vəzi xəstəliklərində), nüvə təbabəti, yaralara qayğı (diabetik və ya trofik yaralarda), kardiologiya və s. üzrə ixtisaslaşmış həkimlər də pasiyentin müayinə və müalicəsinə cəlb edilir. Burada əsas məqsəd pasiyentə hərtərəfli qayğını təmin etmək, xəstəliklərin fəsadlaşmasının qarşısını almaq, mövcud ağırlaşmalar və ya fəsadların müalicəsini təmin etməkdir.

Hansı şikayətlər zamanı endokrinoloqa müraciət etmək məsləhətdir?

  • Susuzluq,
  • Ağız quruluğu,
  • Yuxusuzluq və ya gün ərzində artan yuxululuq,
  • Tez-tez halsızlaşma və ya yorğunluq,
  • Baş gicəllənmələr,
  • Həddən artıq tərləmə,
  • Qəfl və ya qısa müddət ərzində çəki artımı və ya azalması,
  • Gözlərin bərəlməsi və ya göz almalarının qabağa çıxması,
  • Saçların tökülməsi,
  • Gün ərzində artıq dərəcə yuxululuq,halsızlıq
  • Tez-tez baş verən ürək çırpınmaları,
  • aybaşıların pozulması və s.

Həkimlərimizin ixtisaslaşma sahələri.
Endokrinologiya şöbəsinin həkim-endokrinoloqları aşağıdakı endokrin və metabolik xəstəliklərin müayinə və müalicəsində ixtisaslaşıb:

  • Şəkərli diabet, tip 1 və 2
  • Hamiləlikdə diabet
  • Artıq çəki və piylənmə
  • İnsulinə rezistentlik, məs., metabolik sindrom və yumurtalıqların polikistozu
  • Ağır dərəcəli çəki azlığı, o cümlədən, anokreksiya, bulemiya, aclıq hissinin qeyri-normal təzahürü,
  • Qalxanvari vəzinin xəstəlikləri, o cümlədən, düyünlü və düyünsüz ur, qalxanvari vəzinin iltihab xəstəlikləri,
  • Hipofizin xəstəlikləri, məs., boy artımının pozulması, akromeqaliya və ya ayaq və əl, kəllə sümüklərinin qeyri-normal böyüməsi və genişlənməsi
  • Böyrəküstü vəzinin xəstəlikləri
  • Yumurtalıqların və toxum kisələrinin xəstəlikləri,
  • Menstruasiyanın pozulması,
  • Qadınlarda kişi tipli tüklənmə,
  • Kişi və qadınlarda sonsuzluq,
  • Osteoporoz və digər metabolik xarakterli sümük xəstəlikləri
  • Hipertoniya və ya yüksək qan təzyiqi,
  • Qanda xolesterin və digər növ yağların yüksək səviyyəsi və s.

Klinikamızda təcrübəli həkim-endokrinoloqlarımız tərəfindən endokrin sistemi xəstəliklərinin diaqnostikası, ambulator və lazım gəldikdə tərəfdaş xəstəxanalarımızda stasionar müalicəsi də həyata keçirilir. 

Referans CLC Məsləhətçi
 

Online Məsləhətçi

Referans Klinik Laboratoriya Mərkəzi və Poliklinikin
Online Məsləhətçi xidmətinə xoş gəlmisiniz! Suallarınızı əməkdaşlarımıza ünvanlaya bilərsiniz.